AXENDA

Jornadas de puertas abiertas jurásicas navideñas

16 y 17 de diciembre de 2017

(Más Info)


Visita-taller Paleontólogo por un día

Octubre, noviembre y diciembre de 2017, fines de semana y festivos, 12:30 y 17:30 h.

(Más Info)


Consultar toda la Agenda

El proyectu científicu

El departamentu científicu del Muséu del Xurásicu d’Asturies empezó l’andadura en payares del 2004, siete meses depués de la inauguración. Naquel momentu’l MUXA cuntaba con una colección d’unos 300 exemplares que de mano tuvieren custodiaos nel Departamentu de Xeoloxía de la Universidá d’Uviéu.

De magar cuntó’l MUXA col so propiu equipu d’investigación, siempre vinculáu col Departamentu de Xeoloxía de la Universidá d’Uviéu, la colección empezó a aumentar rápido, tanto pol llabor de recuperación de material nos cantiles qu’hai ente Xixón y Ribeseya (La Costa de los Dinosaurios) desenvueltu pol equipu científicu, como pola donación d’investigadores d’otres universidaes, instituciones y particulares.

Nestos momentos supera los 4.400 exemplares, ente los que destaquen:

  • Les mayores pisaes de dinosaurios terópodos y estegosaurios conocíes hasta’l momentu, con un llargor de 82 cm y 58 cm respectivamente.
  • Les cadarmes más completes de la Península Ibérica d’un ictiosauriu y un plesiosauriu, dambos reptiles marinos.
  • Parte de la cadarma d’un dinosauriu ornitópodu.
  • Bien de restos óseos de tortugues, cocodrilos y pexes.
  • Un númberu altu de muestres de la flora representativo d’aquella dómina.
  • Bayura de fósiles d’invertebraos, amás de munches marques d’actividá d’estos postreros.

 

teropodo.[1]

  terpodo225

 

De toles maneres, los elementos más representativos del Xurásicu d’Asturies a nivel mundial, tanto pola cantidá como pola diversidá y l’estáu tan bonu de caltenimientu, son les marques de la pisada o icnites de dinosaurios, dalgunes d’elles inclusive con impresiones de la pelleya. La colección del MUXA, qu’incluye más de 520 exemplares, representa la meyor colección de pisaes de dinosaurios d’Europa allugada nun Muséu y la tercera del mundu per detrás de la del Dinosaur Tracks Museum y de la del Beneski Museum of Natural History, dambes n’Estaos Uníos. En palabres del prestixosu paleontólogu Martin Lockley, de la Universidá de Colorado, qu’asistió a la inauguración del MUXA nel 2004 “la colección d’icnites del MUXA ye una de les más completes a nivel mundial” (revista Geotimes del American Geologoicla Institute, xineru del 2006).

Destaquen amás les pisaes de pterosaurios o reptiles esnaladores, dalgunes con evidencies de pelleya y pertenecientes a individuos d’un tamañu bien más grande de los que se conocen en base a los sos güesos a nivel de Xurásicu. Son bien abondoses tamién les pisaes de cocodrilos y tortugues; la colección incluye amás la única pisada conocida a nivel mundial d’un llagartu del Xurásicu.

Na actualidá, l’equipu d’investigación del MUXA, formáu polos xeólogos José Carlos García-Ramos y Laura Piñuela, collabora con 47 especialistes vinculaos a 27 instituciones distintes (Universidaes, Museos y Centros d’Investigación) alredor de tol mundu, dende Estaos Uníos, Canadá, Xapón y Arxentina, hasta dellos centros d’investigación europeos (Alemaña, España, Francia, Italia, Luxemburgo, Polonia y Reinu Uníu). Amás, nos dos últimos años, investigadores del muséu collaboraron con un equipu internacional na escavación, preparación y estudiu de dellos xacimientos con pisaes de dinosaurios de les provincies de Chongqing y Gansu, en China.

 

L´equipu científicu tien un blog bien completu sobre la Costa de los Dinosaurios, DinoAstur. Pues siguilos en  www.dinoastur.com

Comparte:       pdf Imprimir Enviar