El Muséu del Xurásicu d´Asturies (MUXA) adaptó les sos instalaciones y servicios pa contribuyir a embrivir los riesgos d´andada del virus COVID-19. Pa ello tuvo en cuenta les distintes instrucciones y encamientos ellaboraos pol Ministeriu de Sanidá y l´Institutu de Calidá Turística. Esti postreru desenvolvió una guía específica pa Museos y Sitios Culturales a pidimientu de la Secretaría d´Estáu de Turismu na que collaboraron distintos axentes sociales, espertos y entidaes culturales.

Antes de visitar el Muséu del Xurásicu d´Asturies

• L´aforu del equipamientu va ser amenorgáu conforme a la normativa vixente, polo que s´encamienta l´alquisición de la entrada online al traviés de la web o del serviciu de venta telefónica al traviés del teléfonu 985 185 860, disponible de llunes a vienres de 10:00 a 14:00 hores.
• Ruégase puntualidá y ye imprescindible allegar dientro del horariu reserváu pa cumplir col aforu.
• La visita al equipamientu va ser llibre. Pónense a disposición del públicu los siguientes documentos dixitales:
  • Guía de mano (disponible en castellán, asturianu, inglés, francés y alemán).
  • Folletu La Costa de los Dinosaurios (disponible en castellán ya inglés).
  •  Un percorríu pela Costa de los Dinosaurios (en castellán).
  •  Guía Descubriendo´l MUXA de neños pa neños (en castellán).
  •  Visites imprescindibles n´Asturies (en castellán ya inglés).
    
• El Muséu cunta con una programación recurrente online pa tolos públicos (talleres, cuentacuentos, emisión d´audiovisuales y xuegos y pasatiempos didácticos). Consulte los apartaos d´axenda y noticies de la nuesa web.
• Temporalmente nun tán disponible  l´Área de Descansu nin el Parque Infantil. Tampoco tán disponibles los interactivos nin les audioguíes.
• Ye obligatorio l′usu de mázcara na visita al Muséu.

El día de la visita

• Caltenga la distancia de seguridá interpersonal (ente unidá familiar o de convivencia) en tou momentu.
• Ye obligatorio l′usu de mázcara na visita al Muséu.
• Siga´l percorríu encamentáu pa la visita y circule preferiblemente pola derecha.
• Aconséyase´l pagu con tarxeta de creitu en tolos servicios del Muséu.
• Empreste atención a les indicaciones y encamientos detallaos na cartelería informativa.
• Ruégase nun tocar les superficies, vitrines y los fósiles y répliques del esterior.
• L´usu del ascensor ta llimitáu a una persona, quitando nos supuestos de persones que puedan precisar asistencia.
• Siga los encamientos hixénico-sanitaries nel usu de los aseos.
• Nos accesos a recepción, tienda y baños va disponer de dispensadores de xel desinfestante.
• Disponemos de guantes d´un solu usu pal so usu de taquilles, puntu de recarga de vehículos eléctricos y tienda. Nun ta permitío tocar los productos. Solicite ayuda al asistente.
• Nun tán disponibles les máquines de venta automática.
• Mientres el percorríu ponemos a la so disposición papeleres con tapa y pedal pa la xestión de los sos residuos.
• Recurra a los nuesos asistentes pa cualquier dulda o consulta. Tamos p´ayudar.

Recordatoriu de midíes hixénicu-sanitaries

• Realice una hixene de manes frecuente (llaváu con agua y xabón o soluciones alcohóliques).
• Caltenga 1,5 metros de distancia interpersonal.
• Ye obligatorio l′usu de mázcara na visita al Muséu.
• Al tusir o espirriar, cubra la boca y la ñariz con pañuelos desechables o col coldu flexionáu.
• Evite tocar los güeyos, la ñariz y la boca, una y bones les manes faciliten la so tresmisión.
• Si presenta dalgún síntoma (fiebre, tos o dificultá respiratoria y amás dolor muscular o de cabeza), llame a los teléfonos 984 400 100 – 900 878 232 o al 112.

#MUXAenCasa

El Muséu dispón de numberosos recursos dixitales pa poder esfrutar dende casa y aprender sobre los dinosaurios y el Xurásicu Asturianu. Toos ellos tán disponibles na web del MUXA, que s´actualiza costantemente.

Amás, puede siguir tola información rellacionada col Muséu en:

• Facebook
• Twitter
• Youtube

Contacta col Muséu

• Teléfonu: 985 185 860, de llunes a vienres, de 10:00 a 14:00 h. 
• info@museojurasicoasturias.com
• Formulariu de contactu