El Muséu pon a disposición de los grupos organizaos delles posibilidaes de visita, siendo en tolos casos necesaria la so reserva previa (Tfnu. información y reserves: 902 306 600/985 185 860).

Por llibre, cola ayuda d’una guía de mano que se va apurrir al mercar la entrada.

Con audioguía, disponible en castellanu, inglés, francés y alemán. Consultar tarifes.

Con visita guiada gratuita, con una duración d’una hora (la visita guiada nun lleva costu adicional al preciu de la entrada, sacante los miércoles, que se va cobrar 1,76 € pola visita guiada namás, porque la entrada ye gratuita).

Presentación de diez minutos na primer sala del Muséu, sobre´l conteníu xeneral del mesmu y visita llibre. Nun supón costu adicional al preciu de la entrada.  

Visita guiada + taller didácticu,  percorríu pel Muséu y taller didácticu. Consulta los talleres que s´ufierten según les edaes de los integrantes del grupu.

Visites accesibles, adaptaes a les persones con dalgún tipu de discapacidá física, sensorial y/o intelectual.

Visites n´idiomes, percorríos n’inglés, nivel B1. Esti serviciu ufiértase en dos formatos:

• Pa visitantes estranxeros que quieran disfrutar de la visita nesi idioma.
• Pa centros d’enseñanza (departamentu d’Inglés), Escuela Oficial d’Idiomes, academies, etc. que quieran proponer una actividá complementaria a la formación recibida nos centros. Nesti casi, prepárase a midida en collaboración col profesoráu qu’acompañe al grupu.

Preciu: tarifa reducida vixente. Ensin costu adicional al preciu de la entrada.

Visites a las litoteques,  esti serviciu ufiértase en feches específiques pola mor d’actividaes especiales.